 |
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
|
|
|
Zapomni hety kraj i nieba nad ziamloju,
Dzie maci ŭbačyła ciabie hierojem,
Dzie zorkaj pieršaju
Ŭ žorstkim ciažkim boju
Ty horad natałiŭ svajoj kryvioju.
Zapomni šept łiścioŭ starych, jak śviet, tapolaŭ,
Jakija nad taboj zastyłi ŭ varcie.
I ŭ ich hałinach miesiac ździčełaju viasnoju
Zabłytaŭsia ad vystrała źnianacku.
Zapomni, jak ašfalt niby źmiakčeŭ ad bolu –
Jaho ŭplaskatała navalnica,
Ty na jaho pryloh stamlonaju śpinoju,
A nad taboj huła, huła stałica...
Zapomni hety huł, i toj šalony streł,
Jaki spyniŭ tvoj ruch na paŭdychańniu...
I padajučy ŭ pył, ty ŭbačyć ŭsio ž paśpieŭ,
Jak vybuchała bieł-čyrvona-biełaje śvitańnie.
Zapomni, jak schiłiŭ pa-nad taboju hołaŭ
I cicha prymružyŭ tvaje pavieki
Dryhotkaju rukoju učorašni tvoj vorah.
I ty zasnuŭ u vodary maciejcki.
Zapomni hety čas – ty nazaŭždy ŭ im
Zastaŭsia daharać śviačoj jaskravaj,
I dymkaj lohkaju siarod siabroŭ žyvych
Spatkaŭ viasnovy ciopły volny ranak.
Zapomni, brat, usio, i ty raskažaš sam,
Pračnuŭšysia adnoječy lahiendaj,
Pra toje, jak ty nios da pieramohi ściah...
I byŭ zabity kulaju za heta.
|
|
|
|
Padabajecca
Nie padabajecca
|
|
|
2009–2020. Biełaruś, Miensk.
|
|
|
